ენა უფრო მეტია, ვიდრე მხოლოდ ერთ-ერთ ორგანო, რომელიც გვეხმარება გემოს აღქმაში. დაიჯერებთ თუ არა, ენას შეუძლია თქვენს ექიმს ამცნოს არა მარტო პირის ღრუს, არამედ ზოგადი ჯანმრთელობის შესახებ. შეიძლება გაგიკვირდეთ , თუ რა შეიძლება ენამ მიგანიშნოთ თქვენს ჯანმრთლობაზე.
 

რას ამბობს ენა შენს ჯანმრთელობაზე?

თეთრი ნადები ენაზე
შენი ენა ვარდისფერი ფერის უნდა იყოს. თუ მისი ნაწილი თეთრი ფერით არის დაფარული, ეს შესაძლოა იყოს პირის ღრუს კანდიდოზი - სოკოვანი დაავადება. რა თქმა უნდა, ეს ასევე შეიძლება უბრალოდ ნადები იყოს, რომელიც მაშინ ჩნდება, თუ კბილების ხეხვისას ენას არ გაიწმენდთ. თუ გაწმენდისას ენას ეს თეთრი ნადები მოშორდება, ყველაფერი კარგადაა.

თეთრი ლაქები ენაზე
ლეიკოპლაკია გამოწვეულია ენის გაღიზიანებით, რომლის პროვოცირებაც შეიძლება, მაგალითად, თამბაქოს მოწევით მოხდეს. ყველა სამედიცინო პროფესიონალი გირჩევდათ თავი დაგენებებინათ მოწევისთვის, თუმცა ეს თქვენზეა დამოკიდებული. თუ ენაზე თეთრ ნადებს ხედავთ, დაჯავშნეთ ვიზიტი სტომატოლოგთან, რათა გამოირიცხოს პირის ღრუს კიბო.

მკვეთრად წითელი ენა
მიუხედავად იმისა, რომ ზედმეტად წითელი ენა შეიძლება კავასაკის დაავადების სიმპტომი იყოს, ის ბევრად უფრო ხშირად ასოცირდება ვიტამინების ნაკლებობასთან, როგორიცაა ფოლიუმის მჟავა ან B-12. გამოსავალი შეიძლება უბრალოდ ვიტამინების მიღება იყოს.

არაერთგვაროვანი წითელი ლაქები ენაზე
თუ თქვენი ენა არაერთგვაროვანია და წითელი ლაქები აქვს, ეს კუჭ-ნაწლავის პრობლემაზე მიანიშნებს.

ყვითელი ენა
ყვითელი ნადები ღვიძლისა და ნაღვლის ბუშტის დაავადებებზე მიანიშნებს. ასევე, ეს შესაძლოა საჭმლის მონელების პრობლემების ნიშანიც იყოს.
თქვენს სტომატოლოგს შეუძლია ჯანმრთელობის პრობლემებისგან დაგიცვათ. არ მიმართოთ თვითმკურნალობას! მიმართეთ თქვენს ექიმს, რომელიც დაადგენს პრობლემის გამომწვევ მიზეზს. მან იცის, თუ რას ამბობს თქვენი ენა ჯანმრთელობის შესახებ!