Calen AI და Dentos-ის პარტნიორობით პირველად ქართულ სტომატოლოგიურ სფეროში ხელოვნური ინტელექტი გახდა ხელმისაწვდომი!

თვეებია კომპანიების მხრიდან აღნიშნულ საკითხთან დაკავშირებით ინტენსტიური მუშაობა მიმდინარეობს, აღნიშნული პროექტი საქართველოს ინოვაციების და ტექნოლოგიების სააგენტოს 25'000 ლარიანი გრანტით დაჯილდოვდა, რამაც დააჩქარა სტომატოლოგიური კლინიკების მართვის ერთიან სისტემაში ხელოვნური ინტელექტის სატელეფონო ასისტენტის წარმატებით ინტეგრაცია.

წინ დიდი გეგმებია, Dentos სურს ხელოვნური ინტელექტი პროგრამულ უზრუნველყოფაში სრულად გამოიყენოს, რაც სამომავლოდ ექიმების და ადმინისტრაციის მხრიდან მინიმალურ ჩართლობას მოითხოვს, თუმცა პირველი ეტაპისთვის ხელოვნური ინტელექტი მართვის სადავეებს ქოლ-ცენტრის მიმართულებით აიღებს.

სტომატოლოგიური კლინიკის ქოლ-ცენტრი
სტომატოლოგური კლინიკის ქოლ-ცენტრი ძირითადად პაციენტებთან კომუნიკაციის მიმართულებით მუშაობს, რა დროსაც დანიშნული ვიზიტების შესაბამისად პაციენტებთან ვიზიტის თარიღის შეხსენება ხდება. კომუნიკაციის შედეგად გამოიკვეთება დადასტურებული (პაციენტი მოდის ვიზიტზე) და უარყოფილი (პაციენტი არ მოდის ვიზიტზე) ვიზიტები, რაც შემდგომ მართვას საჭიროებს. აღნიშნულ მეთოდს საკმაოდ დიდი ადამიანური და ფინანსური რესურსები სჭირდება, ყველაფერთან ერთად არსებობს ენის ბარიერი უცხოელი პაციენტების მიმართულებით.

როგორ იმუშავებს ხელოვნური ინტელექტი?
ხელოვნური ინტელექტი სტომატოლოგიური კლინიკის ქოლ-ცენტრის მართვას საკუთარ თავზე აიღებს. საჭიროა ვასწავლოთ მას დღის რომელ მონაკვეთებში განახორციელოს ზარები პაციენტებთან (მაგალითად 19:00სთ-მდე), რამდენჯერ დარეკოს თუ პირველივე ზარზე არ უპასუხებს ადრესატი. დანარჩენს უკვე თავად მიხედავს. ხელოვნურ ინტელექტს არ აქვს ენის ბარიერი. ნებისმიერ ენაზე შეუძლია კომუნიკაცია, ზარის გახორციელების შემდეგ სისტემურად აღნიშნავს მოდის თუ არა პაციენტი ვიზიტზე, ასევე კლინიკას მიაწვდის ზარის და საუბრის ჩანაწერს ტექსტური სახით.

აღნიშნული მეთოდით დაახლოებით 30%-ით გაიზრდება პაციენტთა მომართვიანობა კლინიკაში. მნიშვნელოვნად შემცირდება ადამიანური რესურსების საჭიროება და საბოლოოდ კლინიკა ამ ყველაფერს ფინანსურადაც იგრძნობს.

კომპანიები აგრძელებენ მუშაობას და ხელოვნური ინტელექტის მეტად განვითარებას სტოამტოლოგიურ სერვისებში ინტეგრაციის გაზრდის და ინოვაციური მეთოდების დანერგვის მიმართულებით, რაც შეუქცევადი პროცესია.