კაშკაშა ღიმილი და პირის ღრუს სიჯანსაღე დამოკიდებულია ჯანსაღ კვებაზე, რადგან ის, რასაც ჩვენ ვჭამთ,  გავლენას ახდენს ჩვენი კბილებისა და ღრძილების ჯანმრთელობაზე.   სტატიაში სწორედ ამ კავშირსა და რეკომენდაციებზე ვისაუბრებთ.

პირის ღრუს ჯანმრთელობის საფუძველი 
როგორც აღვნიშნეთ, კვება პირდაპირ აისახება პირის ღრუს ჯანმრთელობაზე, ამიტომჩვენს რაციონში უნდა ჩავრთოთ ნუტრიენტებით მდიდარი საკვები.აუცილებელია ორგანიზზმა მიიღოს ის საჭირო ვიტამინები და მინერალები, რომლებიც კბილებსა და ღრძილებს სიძლიერასა და სიჯანსაღეს შეუნარჩუნებს.
ამავდროულად, უნდა შემცირდეს არაჯანსაღი საკვების მიღება, რათა თავიდან ავირიდოთ პირის ღრუს სხვადასხვა პრობლემათა რისკი, მათ შორის- კბილების გაფუჭება, ღრძილების დაავადება და პირის ღრუს ინფექციები.
 
საკვები, რომელიც ხელს უწყობს პირის ღრუს სიჯანსაღეს 
ძლიერი კბილებისა და ძვლებისთვის, კალციუმს გადამწყვეტი როლი აქვს, ამიტომაც აუცილებელია მივიღოთ კალციუმით მდიდარი საკვები, როგორიცაა რძის პროდუქრები, ფოთლოვანი მწვანილები, ნუში, ბროკოლი...
C ვიტამინით მდიდარი საკვები - ციტრუსები, მარწყვი, ბულგარული წიწაკა და ა.შ.
მნიშვნელოვანია ხრაშუნა ხილისა და ბოსტნეულის მიღებაც (ვაშლი, სტაფილო, ნიახური) რადგან ისინი წარმოადგენენ „ბუნებრივ ჯაგრისს“, ასტიმულირებენ ნერწყვის გამომუშავებასდა ხელს უწყობენ კბილების გაწმენდას.
არ უნდა დაგვავიწყდეს ფოსფორიც, რომელიცმინანქრის სიმაგრისთვის აუცილებელი კომპონენტია. ჩართეთ რაციონში თევზისა და ფრინველის ხორცი, კვერცხი და თხილეული.
 
ჰიდრატაციის როლი
წყალი აუცილებელია, როგორც ზოგადი, ასევე პირის ღრუს ჯანმრთელობისთვისაც. იგი გადამწყვეტ როლს ასრულებს საკვები ნაწილაკების გამორეცხვაში, მჟავების განეიტრალებასა და პირის ღრუს ტენიანობის შენარჩუნებაში, რაც თავისთავად ხელს უშლის პირის ღრუს სიმშრალეს და ამცირებს კარიესის რისკს.
ასევე ეცადეთ, რომ უარი თქვათ გაზიან/შაქრიან სასმელებზე, რათა თავიდან აიცილოთ გადამეტებული შაქრის მავნე ზემოქმედება.