კარგად ვიცით, რომ ჩვენი მენტალური და ფიზიკური კეთილდღეობა მჭიდროდაა დაკავშირებული ერთმანეთთან და არც ის იქნება გასაკვირი, თუ გეტყვით, რომ ამ კავშირში ერთ-ერთი ცენტრლური ადგილი  პირის ღრუს ჯანმრთელობას უჭირავს. სტატიაში გიზიარებთ მენტალური მდგომარეობით ხშირად გამოწვეულ  ჩვევებზე , რომელიც გავლენას ახდენს პირის ღრუს ჯანმრთელობაზე.

სტრესის გავლენა პირის ღრუს ჩვევებზე

• სტრესი, რომელიც ხშირად ყოვლისმომცველია, გავლენას ახდენს ისეთ ჩვევებზე, როგორიცაა კბილების კრაჭუნი, რამაც შესაძლოა მინანქრის ცვეთა, ყბისა და თავის ტკივილი გამოიწვიოს.
• ასევე ქრონიკული სტრესი, ორგანიზმისთვის ასოცირდება ანთებით პროცესთან, რაც პოტენციურად ხელს უწყობს ღრძილების დაავადებების განვითარებასა და პროგრესირებას. სტრესის მაღალმა დონემ შესაძლოა დააზიანოს ორგანიზმის იმუნური პასუხიც, რაც ღრძილებს უფრო მოწყვლადს გახდის ინფექციის მიმართ.

შფოთვითი ბარიერი სტომატოლოგთან ვიზიტისას
შფოთვა სტომატოლოგთან ვიზიტის დროს, რაც ძირითადად ბავშობის ტრამვაა,  საკმაოდ გავრცელებული მიზეზია იმისა, რომ ორალური ჯანმრთელობა ადამიანთა პრიორიტეტებში უკანა პლანზე გადავიდეს.  ეს კი თავისთავად ხელს უშლის რაიმე პრობლემის პრევენციასა და მარტივად მართვას. 

ძილის ბრუქსიზმი
ბრუქსიზმის გამომწვევი კონკრეტული მიზეზი არ არსებობს, თუმცა ხშირად იგი გამოწვეულია შფოთვით, ბრაზითა და სტრესით. კბილების მუდმივმა ბჯენამ შესაძლოა გამოიწვიოს კბილების გაფუჭება, ქვედა ყბის სახსრის პრობლემები და ტკივილი. 

პირის ღრუს ჯანმრთელობის ფსიქოსომატური ასპექტები
პირის ღრუს ზოგიერთ მდგომარეობას, როგორიცაა პირის ღრუს წვის სინდრომი ან გარკვეული სახის წყლულები, აქვს ფსიქოსომატური ასპექტები.  ამიტომ მსგავსი მდგომარეობის გავლენის აღიარება გადამწყვეტი მნიშვნელობისაა მკურნალობის სწორად დასაგეგმად.
 
თავდაჯერებული ღიმილის ძალა
როგორც სტრესი აისახება პირის ღრუს სიჯანსაღეზე,  ასევე ჯანსაღი და თავდაჯერებული ღიმილიც ხელს უწყობს პოზიტიური ემოციებისა და თვითშეფასების ამაღლებას. მეტიც, თავად ღიმილის აქტია დაკავშირებული ბედნიერების ჰორმონების გამოთავისუფლებასთან. პირის ღრუს ჯანმრთელობა და ლამაზი ღიმილის ქონა ხელს უწყობს პოზიტიური აზროვნების განვითარებასა და ზოგად კეთილდღეობას. 

ფაქტია, რომ ორალური ჯანმრთელობა არაა იზოლირებული ჩვენი ფსიქიკური კეთილდღეობისგან. შფოთვის მართვის სტრატეგიები, როგორიცაა ღრმა სუნთქვის ვარჯიშები, კონცენტრაცია და ასევე სტომატოლოგთან კომუნიკაცია, დაგეხმარებათ პირის ღრუს ჯანმრთელობის ზრუნვისას შფოთვის შემსუბუქებაში.მნიშვნელოვანია იმის ცოდნაც, რომ ტექნოლოგიებისა და მედიცინის განვითარებასთან ერთად, კბილებზე ზრუნვა ტკივილთან აღარ ასოცირდება.