სტომატოლოგები და პროფესიები | DENTOS™
Loading...

პლატფორმა მუშაობს სატესტო რეჟიმში, თქვენი აზრი მნიშვნელოვანია: info@dentos.ge

სტომატოლოგები და პროფესიები

სტომატოლოგები და პროფესიები

  • 06 დეკ 2020
  • რჩევები
ექიმთან ვიზიტის დაგეგმვისას, ალბათ ხშირად აწყდებით სტომატოლოგების სხვადასხვა სპეციალობის სახელებს. რა სხვაობაა მათ შორის? რას ნიშნავს ისინი და ვის უნდა ესტუმროთ? ჩვენ დაგეხმარებით გაიგოთ, თუ რას ნიშნავს ეს სახელები თქვენთვის, როგორც პაციენტისთვის.

სპეციალისტები
თერაპევტი-სტომატოლოგი- პირველი ვიზიტი ხდება სწორედ ამ სპეციალობის სტომატოლოგთან. ის აფასებს თქვენი პირის ღრუს მდგომარეობას და სახავს მკურნალობის გეგმას. საჭიროების შემთხვევაში გაგზავნით შესაბამისი სპეციალობის სტომატოლოგთან. თერაპიულ კაბინეტში ხდება კბილის კარიესის  ( როგორც მარტივი , ასევე გართულებული კარიესის -პულპიტი, პერიოდონტიტი) მკურნალობა, კბილების პროფესიული წმენდა, პირის ღრუს ლორწოვანი გარსის დაავადებების მკურნალობა.

ორთოდონტი – პაციენტი ორთოდონტთან იგზავნება, როდესაც თერაპევტ- სტომატოლოგი შენიშნავს არასწორ თანკბილვას. ორთოდონტი მკურნალობს პაციენტს  მოსახსნელი კონსტრუქციის აპარატებით - ფირფიტებით, ასევე მოუხსნელი კონსტრუქციის აპარატებით - ბრეკეტებით.

ბავშვთა სტომატოლოგი – სტომატოლოგებს, რომლებიც ექსკლუზიურად ბავშვებთან მუშაობენ, ეწოდებათ ბავშვთა სტომატოლოგები. მათი განათლების დიდი ნაწილი ფოკუსირებულია ბავშვსა და სტომატოლოგს შორის პოზიტიური კავშირის დამყარებაზე და ემყარება ბავშვთა ფსიქოლოგიას.

ქირურგი-სტომატოლოგი – ქირურგიული სტომატოლოგია მოიცავს პირის ღრუში განვითარებულ პათოლოგიურ პროცესების ქირურგიული გზით მკურნალობას.  ქირურგი-სტომატოლოგი აკეთებს ანესთეზიით კბილების ექსტრაქციას, ფესვის მწვერვალის რეზექციას, ცისტექტომიას, ტუჩისა და ენის ლაგამის პლასტიკას.

ყბა-სახის ქირურგი-სტომატოლოგს კი ეხება ყბა-სახის მიდამოს ტრავმების ქირურგიული მკურნალობა, მერვე კბილის ან რეტენციული კბილების ექსტრაქცია, მცირე და დიდი ზომის კეთილთვისებიანი სიმსივნეების ამოკვეთა.

პაროდონტოლოგი – ისინი მკურნალობენ ღრძილების ყველა სახის დაავადებას. პაროდონტოლოგის  სპეციალობაში შედის პაროდონტის დაავადების პრევენცია, დიაგნოსტიკა და მკურნალობა.

ორთოპედი სტომატოლოგი – ეს სტომატოლოგი სპეციალიზებულია დაკარგული ან დაზიანებული კბილების აღდგენასა და შეცვლაში. მათი მკურნალობა მოიცავს ასევე იმპლანტებისა და პროთეზების  ჩასმას,  კბილების რესტავრაციას ფაიფურის ნაწილაკების შემცველი სპეციალური სხივგამყარებადი კომპოზიტით.

ახლა უკვე იცით სტომატოლოგების ძირითადი სპეციალობების მნიშვნელობა. გახსოვდეთ, თქვენი ზოგადი სტომატოლოგი არის თქვენი ძირითადი საკონტაქტო პირი, რომელიც დაგეხმარებათ პირის ღრუს პრობლემების მოგვარებაში! 

გააზიარე პოსტი

კომენტარები