ბოლოს როდის გამოცვალეთ კბილის ჯაგრისი? თუ უკვე რამდენიმე თვეა არ გამოგიცვლიათ დროა იფიქროთ მის შეცვლაზე. დროთა განმავლობაში ჯაგრისი იცვითება და კარგავს მის ფუნქციას. კვლევებმა აჩვენა, რომ ჯაგრისის ოპტიმალური მოქმედების ვადაა 3 თვე. ამ პერიოდის შემდეგ ჯაგრულები განიცდიან დეფორმაციას და ნაკლებად ეფექტურად ებრძვიან ნადებს. ამის გარდა, არსებობს სხვა მიზეზიც, რაზეც ხშირ შემთხვევაში არ გვინდა რომ ვიფიქროთ ხოლმე - მიკრობები ჯაგრულებში. დიახ, 3 თვის გასვლის შემდეგ ჯაგრულებში მიკრობების რაოდენობა გეომეტრიული პროგრესიით იზრდება და ყველაფერთან ერთად პირიქით, შეიძლება უკუეფექტიც კი გამოიწვიოს, განსაკუთრებით კი მაშინ უნდა იფიქროთ ამ საკითხზე, როდესაც მოიხადეთ ვირუსი, გაციება ან სხვა დაავადება.
ყველაფერთან ერთად, უნდა იზრუნოთ მის სისუფთავეზე. არ უნდა მოათავსოთ სხვა ჯაგრისებთან ერთად, მგზავრობის დროს შეფუთოთ მისი თავი, რაც აგარიდებთ მიკრობების გამრავლებას ჯაგრულებში.

რა მოხდება იმ შემთხვევაში თუ ხშირად არ შევცვლით ჯაგრისს?

ზემოთ ჩამოთვლილი რისკები თუ საკმარისი არ არის, აქვე გეტყვით, რომ არსებობს სოკოები, რომელთათვის ნამიანი გარემო სიცოცხლის შესანიშნავ პირობებს უქმნის. მიკორბებთან ერთად ჯაგრულებშ შეიძლება დაიბუდოს სხვადასხვა საკის სოკოვანმა ორგანიზმმა, რომელიც რა თქმა უნდა თვალისთვის შეუმჩნეველია და რაც განსაკუთრებით ზრდის ინფექციის განვითარების რისკს.
სხვა შემთხვევებში, იქიდან გამომდინარე, რომ ჯაგრულები დროთა განმავლობაში ზიანდება და განიცდის დეფორმაციას, ასევე აზიანებს ღრძილებსაც. შესაძლებელია განვითარდეს ანთებითი დაავადებები, ხოლო თუ დეფორნირებული ჯაგრულები (სადაც უკვე ბევრი მიკრობი და მათი ოჯახები ბუდობს) ღრძილს დააზიანებს, რამაც შეიძლება განავითაროს გინგივიტი (ღრძილების ანთება) რამაც საბოლოოდ შესაძლოა კბილების გარეშე დაგტოვოთ. 

ამიტომ საჭიროა რომ ყოველმა ჩვენგანმა ჰიგიენას ყოველთვის განსაკუთრებული ყურადღება მივაქციოთ.