DENTOS™ სტომატოლოგიური ეკოსისტემა
Loading...

პლატფორმა მუშაობს სატესტო რეჟიმში, თქვენი აზრი მნიშვნელოვანია: info@dentos.ge

კბილების მომატებული მგრძნობელობა

კბილების მომატებული მგრძნობელობა

  • 07 დეკ 2020
  • ჯანმრთელობა
  • პირის ღრუს მოვლა
  • რჩევები

კვლევების მიხედვით, მსოფლიოში ყოველ მე-8 ადამიანს აწუხებს კბილების მომატებული მრგძნობელობა, როდესაც ცივს, ცხლს ან ტკბილს მიირთმევს.  ამ პრობლემისგან თავის დასაღწევად აუცილებლად უნდა მიმართოთ სტომატოლოგს, იქამდე კი საინტერესო ინფორმაციას გაგიზიარებთ ამ თემაზე.


რა იწვევს კბილების მომატებულ მგრძნობელობას?
კბილების მგრძნობელობა შესაძლოა ხშირად გეწვიოთ, რაც ხშირ შემთხვევაში ღრძილების დაზიანებით ან ღრძილის რეცესიით არის გამოწვეული. თქვენი კბილების გვირგვინებისგან განსხვავებით, კბილის ფესვის არე არ არის დაცული მინანქრით, არამედ მას დენტინი იცავს. როდესაც მინანქარი ან ცემენტი იშლება, კბილების ნერვები საფარველის გარეშე რჩება, რამაც შეიძლება გამოიწვიოს კბილების მგრძნობელობა. ეროზიის გავრცელებული მიზეზებია:

  • კბილების ვგახეხვა ზედმეტად გულმოდგინედ
  • აბრაზიული კბილის პასტის გამოყენება
  • რეფლუქსური დაავადება
  • ბულემია
  • კბილების ხშირი ან გადაჭარბებული გათეთრება
  • მშრალი პირი
  • კარიესული დაზიანებები


მგრძნობიარე კბილების მკურნალობა შესაძლებელია!

როგორ დავამარცხოთ კბილების მგრძნობელობა?
ესაუბრეთ თქვენს სტომატოლოგს ნებისმიერი კბილის ტკივილის ან მგრძნობელობის შესახებ ცივი, ცხელი, მჟავე ან ტკბილი სასმელის ან საკვების მიმართ. უნდა გამოირიცხოს ან დამუშავდეს კბილის კარიესი. თქვენს სტომატოლოგს შეუძლია გირჩიოთ სპეციალური კბილის პასტა ან ფტორის გელი სახლში გამოსაყენებლად. კბილის მგრძნობელობის უფრო მძიმე შემთხვევებში შეიძლება საჭირო გახდეს ჩარევაც.
შესაძლოა აუცილებელი გახდეს კვებაში ცვლილებების შეტანა, მაგალითად: შაქრიანი სასმელის, ხილის წვენებისა და ალკოჰოლის ყოველდღიური მოხმარებიდან ამოღება. და რა თქმა უნდა, თქვენ უნდა დაიცვათ პირის ღრუს მოვლის წესები, რათა თავიდან აიცილოთ პრობლემები.
ცივის მიმართ კბილების მგრძნობელობა უფრო მეტია ვიდრე უბრალოდ გაღიზიანება, ის შეიძლება ძალიან მტკივნეულიც იყოს და ბევრად დიდ პრობლემებზეც მიანიშნებდეს.

გააზიარე პოსტი

კომენტარები